*🏹सरपंचाची निवड ग्रामपंचायतीतून सदस्य करणार ... विधेयक मंजूर🏹*

*🏹सरपंचाची निवड ग्रामपंचायतीतून सदस्य करणार ... विधेयक मंजूर🏹

*मुंबई:- सरपंचाची निवड ग्रामपंचायतीतून करण्याच्या राज्य सरकारने काढलेल्या अध्यादेशावर स्वाक्षरी करण्यास राज्यपालांनी नकार दिल्यानंतर आज (दि.२५ फेब्रुवारी) विधानसभेत सरपंचाची निवड ग्रामपंचायतीतून करण्याचं विधेयक मंजूर करण्यात आलं आहे. विधानसभेत आवाजी मतदानानं हे विधेयक मंजूर करण्यात आलं. यामुळे आता थेट जनतेतून सरपंच निवडण्याचा माजी मुख्यमंत्री देवेंद्र फडणवीस यांनी घेतलेला निर्णय रद्दबातल झाला आहे.*
*उद्धव ठाकरे यांनी मुख्यमंत्रिपदाची सूत्रे हाती घेतल्यानंतर लोकप्रिय निर्णय घेण्यास सुरुवात केली होती. त्याचाच एक भाग म्हणून सरपंचाची निवड थेट जनतेतून करण्याच्या तत्कालीन मुख्यमंत्री देवेंद्र फडणवीस यांचा निर्णय ठाकरे सरकारने रद्द केला होता. त्याला भाजपने विरोधही केला होता. मात्र जनतेतून सरपंच म्हणून थेट निवडून आलेली व्यक्ती सर्व ग्रामपंचायत सदस्यांना विश्वासात घेत नाही, अशा तक्रारी सातत्याने येत होत्या त्यामुळे हा निर्णय घेण्यात आल्याचं सरकारनं स्पष्ट केलं आहे.*
*तत्पूर्वी राज्य सरकारने ग्रामपंचायत सदस्यांमधून सरपंच निवडण्याच्या निर्णयाचा अध्यादेश राज्यपाल भगतसिंह कोश्यारी यांच्याकडे स्वाक्षरीसाठी पाठविला होता. मात्र राज्यपालांनी या अध्यादेशावर स्वाक्षरी करण्यास नकार दिला होता. त्यामुळे ठाकरे सरकारने आज अर्थसंकल्पीय अधिवेशनाच्या दुसऱ्याच दिवशी सरपंचाची निवड ग्रामपंचायत सदस्यांमधून करण्याचं विधेयक सभागृहाच्या पटलावर मांडून आवाजी बहुमतानं मंजूर करून घेतलं. आता हे विधेयक मंजुरीसाठी राज्यपालांकडे पाठवण्यात येणार आहे.*